Antonio Manuel Fraga faise co I Premio de Narrativa Xuvenil María Victoria Moreno

A primeira edición do Premio de Narrativa Xuvenil María Victoria Moreno, que convocan Urco Editora e mais o Concello de Pontevedra, xa ten gañador. O eumés Antonio Manuel Fraga fíxose co galardón, dotado con 4.000 euros e a publicación da obra, con O bestario científico de Anxos Nogueirosa. O xurado, que seleccionou a obra entre as 31 presentadas, destacou do traballo de Fraga "fortaleza das personaxes femininas e o feito de introducir o bestiario máxico galego nun contexto histórico".

Eli Ríos, en representación da familia de María Victoria Moreno; Andrea Martínez, alumna do IES Torrente Ballester; Carme Hermida, en representación do Concello de Pontevedra; Montse Pena Presas, experta en Literatura Infantil e Xuvenil; Andrea Jamardo Seijo, en representación de Urco Editora e David Cortizo Conde, de Urco Editora, que actuou como secretario sen voz e sen voto, foron os responsables da selección e ademais recomendou a publicación das obras presentadas cos lemas Be Water e Irmá Paxaro.