Manuel Rivas, Elías Portela, Filipa Leal e María Xosé Queizán serán o encargados de abrir, o vindeiro 20 de abril, a oitava edición de PontePoética, o Festival Internacional de Poesía de Pontevedra. Con eles, un total de dez poetas participan nun programa que se desenvolve ata o día 22, con actividades centradas no Teatro Prinicipal da Cidade. Míriam Ferradáns, Keith Payne, Aurélia Lassaque, Itxaro Borda, Dolors Miquel e Juan Carlos Mestre completan o elenco desta edición na que, ademais de recitais, haberá tamén encontros con alumnos de diferentes institutos, unha proxección de videopoesía e o espectáculo Poemas dun traidor, a cargo de Elías Portela.
