Quiosco: Cairón 2

A coincidir coa celebración da III Feira do disco e do libro galego de Monterroso, o Instituto de Estudos Ulloáns presenta o número dous da revista Cairón. A entrega achega perfís de persoeiros
históricos da comarca como Johan López D'Ulhoa ou o guerrilleiro Benedicto Fuentes Díaz. Un artigo sobre as peregrinaxes pola zona de Otero Pedrayo, as fadas de aspecto equino nas lendas da comarca, o patrimonio cultural da Ulloa ou a importancia das carballeiras da zona son outros contidos presentes no número, que inclúe tamén unha entrevista con Teresa Batán, do grupo de teatro da Biblioteca Pública de Antas de Ulla.