O Instituto de Estudos Miñoranos presentaba o pasado venres un número duplo da súa revista, correspondente ás entregas 10 e 11. A Revista de Estudos Miñoranos abre a xeira cun dosier sobre o Porto do Molle, o parque industrial da Zona Franca de Vigo en Nigrén. Diferentes artigos abordan o seu impacto na estruturación do territorio e da mobilidade, e mesmo achegan apontamentos históricos sobre o lugar. Canda a isto, a cartografía e a toponimia da costa, os naufraxios do mar de baiona ou unha sección dedicada ao pintor Armando López Guerra completan o volume, á venda por doce euros.
