Capa da Revista de Estudos Miñoranos 7,8 e 9
O Instituto de Estudos Miñoranos presentaba a pasada semana os números 7, 8, e 9 da súa publicación, Revista de Estudos Miñoranos. Un só volume de máis de 300 páxinas compila os artigos das tres entregas, a tratar temas tan variados como a prehistoria, os recentes achados arqueolóxicos ou o patrimonio desta comarca. Ademais, a revista acolle seccións de creación e mesmo un texto no que Otero Pedrayo falaba sobre o Val Miñor.
