Finaliza a restauración dos frescos de Moraime

Os técnicos remataron a restauración dos frescos da igrexa de San Xiao de Moraime (Muxía), un dos templos medievais máis relevantes da Costa da Morte. Os frescos, do século XVI, atopábanse nunha difícil condición de conservación debido á humidade e outros axentes degradantes. A Xunta licitou esta restauración, a cargo da empresa Parteluz, por 38.225 euros. Os traballos permitiron localizar e definir figuras, e mesmo mellorar a reinterpretación do fresco e a súa datación, como a través dos roupaxes das figuras representadas.