Tres espazos de Compostela acollen a exposición Con-secuencias

A Fundación DIDAC organiza e acolle a exposición Con-Secuencias. Colección DKV, unha selección dos fondos desta aseguradora que se poderá ver ata o vindeiro 1 de abril en tres sedes da cidade. Ademais deste espazo, a Igrexa da Universidade e a Fundación Granell albergarán traballos de 40 artistas que desde diferentes perspectivas seguen o fío común da capacidade do home de actuar sobre a natureza, deseñar, construír e abandoar o creado. A inauguración do proxecto desenvolverase ás sete desta tarde e inclúe unha visita guiada polas tres sedes da mostra.

Con-Secuencias. Colección DKV inclúe traballos de José Ramón Amondarain, Rosana Antolí, Antonio Ballester Moreno, Ana Barriga, Sergio Belinchón, David Bestué, Vicente Blanco, Manuel Blázquez, Jacobo Castellano, Patricia Dauder, Diego Delas, Miren Doiz, Manuel Eirís, Christian García Bello, Santiago Giralda, Laura González Cabrera, José Guerrero, Rubén Guerrero, Fernando Gutiérrez, Carlos Irijalba, Miki Leal, Almudena Lobera, Anna Malagrida, Álex Marco, Nacho Martín Silva, Rosell Meseguer, Guillermo Mora, Nico Munuera, Carme Nogueira, Juan Olivares, José Miguel Pereñíguez, Jorge Perianes, Aleix Plademunt, Samuel Salcedo, Amparo Sard, Teresa Solar, Miguel Ángel Tornero, Daniel Verbis, Nelo Vinuesa, Santiago Ydáñez e Juan Zamora.