O CCG expón na Coruña a obra do fotógrafo Juan Cancelo

Son un cento de fotografías que documentan a evolución da sociedade coruñesa entre os principios da II República e o franquismo, e poderanse ver ata o 30 de marzo na sala de exposicións do concello da Coruña. Ramón Villares, presidente do Consello da Cultura Galega e Xulio Ferreiro, alcalde da Coruña, inauguran hoxe esta mostra ás 19.30 horas. As fotografías son parte do arquivo fotográfico de Juan Cancelo (1892-1987), un coruñés que acadou sona por ser o primeiro fotoxornalista da prensa galega, traballando en varias cabeceiras como El Ideal Gallego. As fotografías recollen tanto a vida das elites da cidade como da vida popular.