O Concello da Coruña acollía onte a presentación da xeira de inverno do ciclo Poetas Di(n)versos. A iniciativa que se desenvolve no Centro Ágora bota a andar este luns 22 de xaneiro cun recital da autora palestina Fatena Al Ghorra que compatirá escenario coa galega María Xosé Queizán. A seguinte sesión será o 19 de febreiro será Dores Tembrás, quen recitará ao carón de Antonio Gamonada, Premio Cervantes 2006 e Premio Nacional de Poesía Reina Sofía. O lugués Lois Pérez a dúo co dominicano Frank Báez fecharán esta xeira invernal o 19 de marzo. Como é habitual, Yolanda Castaño coordina o ciclo e presentará os diferentes encontros.
