O Castelo da Lúa, un sobranceiro castelo medieval na ribeira de Rianxo, está a ser recuperado a partir da consolidación das estruturas que fican. Elementos como a torre de homenaxe, o forno e dependencias anexas. O proxecto conta cun orzamento de máis de 200.000 euros achegadas por AGADER e o concello de Rianxo, e contempla o levantamento de parte da torre de homenaxe. O castelo estivo vinculado ao almirante Paio Gómes Chariño e recuperará material pétreo localizado en anteriores intervencións. Como curiosidade, o canteiro que está a participar na recuperación empregará marcas actuais (coma o signo do wifi) para diferenciar a parte conservada das novas pezas de canteiría incorporadas.
