Dhogs e Escarabana entran na sección oficial do festival de Sitges. As películas son os primeiros traballos na dirección de Andrés Goteira e Sara Casasnovas

Antonio Durán "Morris" nunha escena de 'Doghs'

O Festival Internacional de Cine Fantástico de Catalunya, en Sitges, decano dos festivais deste xénero, celebra este ano a súa 50 edición e o audiovisual galego está presente grazas a dúas producións na súa sección oficial que ademais son estreas na dirección dos seus responsables. A película Dhogs, ópera prima do lugués Andrés Goteira que se estreou en abril no BAFICI de Buenos Aires e xa conta co premio á mellor longametraxe no Festival de Cine de Split (Croacia), compite na Sección Oficial de Sitges. Dhogs é un "thriller" inusual que narra, segundo consta na presentación unha historia "movida polos fíos do azar" na que un encontro casual entre un home de negocios e unha misteriosa muller nos conduce a unha aventura furtiva, a un deserto e a un crime.Nela participan actores como Antonio Durán "Morris", Melania Cruz ou Carlos Blanco. É unha coprodución de Gaitafilms e PixelFilms e está rodada integramente en galego. A actriz ourensá Sara Casasnovas presenta tamén no festival o seu priomeiro trabalo como directora, a curtametraxe Escarabana, da que ademais é guinista e protagonista xunto a Iván Marcos. Escarabana compite na sección Oficial de Curtametraxes e conta a historia dunha Una parella atrapada na eternidade, nunha viaxe sen fin a través de varias épocas conducindo cadillacs e escapando do sol.

Que che parece esta nova?

82 lecturas 0 reaccións

No recente encontro 3D WIRE de Segovia, que representa o mercado da animación tanto audiovisual como de videoxogos e novos medios tamén houbo espazo para as producións galegas grazas á empresa ferrolá Abano Producións. A produtora levou a esta cita o traballo The Neverending Wall, dirixido por Silvia Carpizo e con banda sonora de Nani García e os proxectos en fase de desenvolvemento Unicorn Wars, dirixido por Alberto Vázquez, e El Sueño de la Sultana, unha longametraxe dirixido por Isabel Herguera, ademais das curtas en fase de produción Patchwork, con María Manero como directora, e Homomaquia, con dirección do coruñés David Fidalgo.

TEASER_DHOGS from Gaitafilmes on Vimeo.