Origen, o último disco do ourensán Daniel Minimalia, é a única representación galega na 18 edición dos Premios Grammy Latinos. O galego concorre na categoría de Mellor Álbum Instrumental, que disputa con Michel Camilo & Tomatito, Gustavo Casenave, Luís Salinas e a colaboración de Cesar Camargo Mariano con Rudiger Liebermann, Walter Seyfarth & Benoit Fromanger. A entrega destes galardóns está previsto que se celebre o vindeiro 16 de novembro en Las Vegas. Minimalia está na xira de presentación de Origen, editado por Zouma Récords, e tocará no auditorio municipal de Ourense o vindeiro 28 de outubro.
