Marcos Calveiro faise co premio XXIX García Barros de novela

Marcos Calveiro deixou de escribir para rexentar un café en Vigo, pero aínda así, as novelas que deixou escritas antes da decisión continúan a ser protagonistas da actualidade literaria. Desta volta, o escritor fíxose co XXIX Premio García Barros de novela coa obra O xardineiro dos ingleses, unha historia ambientada na localidade natal do autor, Vilagarcía de Arousa, e nun dos seus espazos máis emblemáticos, o cemiterio naval británico. O premio ten unha dotación de 9.000 euros.