Para dar trela é o título do manual de fraseoloxía que vén de editar o Centro Ramón Piñeiro de Investigación en Humanidades, orientado á ensinanza e aprendizaxe da lingua galega. Os autores foron M. Carmen Losada Aldrey, Alba Cid Fernández e Xurxo Fernández. O libro está organizado por unidades temáticas e acompañado de caricaturas de Evaristo Corujo (Tito) e viñetas de Luis Davila, e conta con exercicios para unha aprendizaxe activa da fraseoloxía e paremioloxía da nosa lingua.
