Presentan un documental e un libro DVD sobre o Himno

Hoxe pola mañá presentouse en Compostela o documental e libro-DVD O himno, que explica a historia do himno do país e a súa significación a través dos tempos. O documental reúne destacadas voces da cultura galega como Víctor F. Freixanes, Xesús Alonso Montero, Xosé L. Méndez Ferrín e Anxo Angueira. O traballo, producido por Queiman e Pousa, edítase coincidindo co centenario do pasamento de Eduardo Pondal e dos 110 anos da primeira vez que se interpretou o Himno Galego na Habana. O libro inclúe artigos de fundacións e unha unidade didáctica para nenos. O CD, pola súa banda, inclúe o documental, varias versións do himno e un making of.