Capa do primeiro número en papel
O primeiro número da revista Pincha xa está en papel e distribución na comarca de Compostela. A publicación, herdeira do desaparecido magacine Pincha (e) Discos, cubrirá información sobre gastronomía e cultura. Baixo a dirección da xornalista Rebeca Munín o primeiro número ofrece unha entrevista ao chef Jorge Gago; unha reportaxe sobre a base de datos Compostela é música; unha crítica gastronómica do Restaurante Pazo Asador; unha reportaxe sobre os 40 anos do Museo do Pobo Galego e outra sobre o grupo musical Os d’Abaixo ademais dunha extensa axenda de actividades. Alén da revista bimensual en papel de distribución gratuíta a súa páxina en Internet ofrece todas as novas e contidos en continua actualización. O resto do equipo que fai a revista está conformado por Alberto Seoane no deseño e maquetación, a xornalista Ruth Ríos, Jéssica Pintor na redacción e o fotógrafo Iván Barreiro ademais dun nutrido grupo de colaboracións habituais e fixas. A revista se presentará oficialmente o vindeiro mércores nun acto na Sala Riquela de Santiago.
