O arquitecto Pedro de Llano é o comisario de
California Dreaming a exposición que inaugura esta tarde o Museo de Belas Arte da Coruña. O proxecto recupera a historia dun programa de construción de vivendas económicas para familias que se desenvolveu no estado de California entre os anos 20 e 50 do século pasado e artéllase a través das biografÃas de dez arquitectos que traballaron nestes proxectos. A exposición amosa cincuenta paneis, unha ducia de maquetas, elementos audiovisuais e mobles creados por algúns dos arquitectos protagonistas para reflexionar sobre unha serie de deseños considerados referentes do sentido común e da innovación. Organizada pola Escola Técnica Superior de Arquitectura da Universidade da Coruña, co apoio do museo e do Colexio Oficial de Arquitectos de Galicia a mostra estará aberta ata o vindeiro 30 de xuño.
