Resurrectión Fest e Sinsal premiados nos Iberian Festival Awards

O Resurrection Fest de Viveiro e o Sinsal da Illa de San Simón saíron onte con galardóns da segunda edición dos premios Iberian Festival Awards que recoñecen os festivais de música de España e Portugal celebrados no presente ano. A competición, que ten uns galardóns decididos por un xurado e outros directamente polo público fallouse onte en Barcelona. Para as seis propostas galegas o resultado foi de dous galardóns de nivel peninsular para Resurrection e un peninsular e outro de ámbito español para o Sinsal. A actividade de comunicación feitas desde a organización do Resurrection Fest foi para os membros do xurado a mellor exercida desde un destes eventos en toda a península no 2016. Ademais para o público a actuación estrela dese ano, Iron Maiden, foi a mellor actuación internacional da península nun festival. O Sinsal do 2016 conseguiu que o xurado recoñecese o seu programa cultural como a mellor das propostas de España e a súa capacidade de activación de marca, na relación entre patrocinadores e festivais tamén resultou vencedora no ámbito peninsular desde a perspectiva do xurado especializado.