Monterroso prepara a súa segunda Feira do Disco e libro galegos

A asociación cultural 25 xastres organiza por segundo ano consecutivo a Feira do Libro e o Disco de Monterroso, unha iniciativa que busca conectar o mundo da creación cultural en lingua galega co rural lugués. Desta volta, a Carpa do concello de Monterroso acollerá actividades infantís e xuvenís, como un obradoiro de iniciación á ilustración de Leandro Lamas, un concerto de Pablo Díaz ou presentacións a cargo de Xosé Vázquez Pintor ou Marcos López Concepción. Para adultos, haberá presentacións de libros a cargo de Antón Riveiro Coello, que presentará a súa nova novela A ferida do vento, ou Manuel Gago, que presentará a súa novela O anxo negro. Todo isto entre moitas outras actividades.