A Universidade bretona de Rennes 2 concedeu onte a Ramón Villares, presidente do Consello da Cultura Galega, o título de doutor honoris causa. Villares leu o discurso "A Bretaña na cultura galega: similaridades e conexións", no que fai un percorrido polos contactos culturais entre os dous países e pola presenza no imaxinario cultural e literario de Galicia da cultura e dos mitos bretóns. A súa intervención foi respondida pola profesora Christine Rivalan Guégo, profesora de lingua e literatura española contemporáneas.
