O Alt de Vigo anuncia a súa edición final

Logo de anos de reclamar un maior apoio público e de ver perigar a celebración das súas sucesivas edicións, a organización do festival Alt de Vigo acordou abandonar. Segundo anuncia a directora Lola Correa no Facebook do evento a décimo sexta xeira, que se celebrará entre o 10 e o 12 de marzo vindeiros, será tamén a derradeira "ante o afogamento continuado do Concello de Vigo á actividade". A Asociación Noescaféteatro, responsable do evento, denuncia unha vez máis a falta de apoio municipal e explica que mesmo lle ofertou ao goberno local se facer cargo directamente desta programación centrada na escena alterantiva sen obter resposta.

Segundo lembran os organizadores, ao longo da vida do festival pasaron polo evento case dúascentas compañías que situaron a Cidade Olívica do mapa "alternativo-contemporáneo ou como se lle queira chamar". Como adianto da vindeira programación, o vindeiro finALT, denominación da última xeira, ten confirmada a presenza de Matarile Teatro, un habitual do programa que porá en escena unha versión especial do seu espectáculo Antes de la metralla.