A RAG celebrará unha homenaxe a Sebastián Martínez-Risco

Sebastián Martínez-Risco foi xurista e presidente da Real Academia Galega. Este ano cúmprense corenta anos do seu pasamento e para celebralo realizan un acto aberto ao público en colaboración coa Irmandade Xurídica Galega no que se glosará a súa figura e relevancia. O acto, no que participarán investigadores e membros da familia do autor, realizarase a partir das 19.30 horas, o mércores 1 de febreiro. Segundo a RAG, "Martínez-Risco soubo levar as rendas da Academia en tempos complicados imprimíndolle dinamismo e incrementando a súa proxección pública".