Fomento aproba chamar Rosalía de Castro ao aeroporto de Santiago

O ministerio de Fomento aprobou onte cambiar a denominación do aeroporto de Santiago de Compostela a Aeroporto Santiago de Compostela - Rosalía de Castro. A decisión foi tomada polo ministro Íñigo de la Serna, quen iniciará os trámites para o cambio de denominación que propuxo hai unhas semanas o concello de Santiago. Ao mesmo tempo, a aerolinea noruega Norwegian Airlines anunciou que tamén bautizará un avión co nome da escritora, dentro da súa campaña de incorporación de figuras da cultura española á súa flota.