O Presidente da Xunta de Galicia, Alberto Núñez Feijóo, anunciou onte tralo Consello da Xunta, a posta en marcha dunha Estratexia integral para a cultura galega con dous obxectivos: "centrarse en garantir a máxima difusión da actividade cultural de base en todo o territorio de Galicia e a cidadanía, ademáis de asentar un tecido social e empresarial". O plan tomará como eixos sectoriais o editorial, as letras, o audiovisual, musical, artes escénicas, o patrimonio cultural e outros. O plan terá tres fases, nas que segundo a Xunta colaborarase cos diferentes axentes para identificar feblezas e fortalezas, liñas de acción e finalmente a redacción das medidas e dos plans de acción.
