Feijoo anuncia a creación dun Plan da Cultura Galega

A coincidir coa entrega dos Premios da Cultura de Galicia, que se celebrou onte na Cidade da Cultura, o presidente da Xunta o presidente da Xunta, Alberte Núñez Feijóo, anunciou que o seu goberno pretende desenvolver un Plan da Cultura Galega. "Definir entre todos e para todos as liñas mestras da cultura galega nos próximos anos" é o obxectivo deste programa, para o que a Xunta asegura que vai contar coas "achegas e reflexións dos principais axentes dos distintos sectores culturais". Para Feijoo, este futuro plan vai ser "unha ferramenta de traballo imprescindible que permita fixar unhas bases de planificación a medio prazo do futuro cultural de Galicia, centradas en estruturar e priorizar as liñas fundamentais de actuación no ámbito cultural".