Javier Sáez Castán, Premio Nacional de Ilustración 2016, Juan Berrio, Isabell Seidel e Miguel Robledo son os convidados na primeira xeira de Allariz Debuxado. O I Festival de Ilustración que se celebra nesta vila acollerá da man destes profesionais charlas e obradoiros sobre cadernismo e debuxo a partir na rúa. Conferencias, presentacións ou a exposición
Clásicos Reseteados do ourensán Miguel Robledo fan parte dun programa no que tamén haberá unha sesión de presentación de proxectos aberta a novos ilustradores. As actividades desenvolveranse a partir das 12 da mañá do 27 de xaneiro e ao longo do sábado 28.
