Quiosco: Boletín da Real Academia Galega nº 376

O novo número do Boletín está dedicado á figura do polígrafo Xosé Filgueira Valverde. Recolle a conferencia inaugural e dezaoito comunicacións do Simposio "Filgueira Valverde na cultura galega do século XX", que se desenvolveu entre o 10 e o 27 de novembro de 2015 entre Pontevedra, Santiago de Compostela e A Coruña; e as alocucións sobre o autor pronunciadas polos académicos Víctor F. Freixanes e Francisco Díaz-Fierros Viqueira no acto central do Día das Letras Galegas dedicado ao polígrafo. Será presentado no Museo de Pontevedra o 25 de xaneiro.