Exposición, casa museo e un documental sobre Carlos Casares, novas propostas para celebrar a súa figura

Membros da directiva da Fundación Carlos Casares reuníronse onte co presidente da Xunta, Alberto Núñez Feijóo, e o Conselleiro de Cultura, Román Rodríguez, para abordar a programación e eventos do Día das Letras Galegas 2017 dedicado a Carlos Casares. Entre os proxectos analizados, está a idea da montaxe dunha exposición sobre o escritor, un evento en Madrid vinculado á súa figura, a creación dunha casa-museo para albergar materiais biográficos e mesmo un documental sobre o escritor.