Iñaki Martínez Antelo renuncia a renovar na dirección do MARCO

O director do Museo de Arte Contemporánea de Vigo (MARCO), Iñaki Martínez Antelo, comunicou onte ao Padroado da Fundación Marco a súa vontade de non renovar o seu contrato de dirección cando este remate en novembro de 2017. Para Antelo, o MARCO "leva demasiado tempo traballando nunha situación moi complicada, cuns orzamentos ao límite do razoable", e nunha "situación moi complicada". Martínez Antelo sinalou que o novo director debera ser contratado mediante "concurso público" e que o Marco é un "proxecto autónomo e debe seguir séndoo". Entre os obxectivo do centro, sinalou o director, "non poden estar a especulación ou espectacularización da cultura".