Verín estrea o Festival de Curtas Vía XIV

Este mes de decembro celébrase a primeira edición do festival internacional de curtas Vía XIV. Verín acolle entre o 5 e o 11 deste mes un evento que se artellar arredor dos temas "Entroido, Emigración e Fronteira" e a homenaxear o nome da vía romana que percorre a vila. Segundo explica a presentación, o evento "quere continuar con ese camiño de cultura, traendo a mirada de creadores de todo o mundo contorna ao entroido, a emigración e a fronteira". O programa oficial dábase a coñecer onte, e abrirá as súas portas coa presentación e a proxección de El Pozo, dirixido polo verinés Hector Domínguez-Viguera Queija. Canda a esta, poderán verse un total de 39 curtametraxes internacionais nas tres seccións, con títulos como Share o no Share, Kamishibai, Stalingrado, The heat wave, 17 años juntos ou Donde caen las hojas, que compiten no bloque Emigración ou Wut, El pozo, Naara, Por eso no tengo hermanos, A prueba e El chico del diente de oro no apartado Fronteira.

A organización recibiu para esta primeira edición un tal de 650 traballos recibidos de 21 países. O festival, a cuxas proxeccións se pode asistir de balde, conta con premios ao mellor filme de cada categoría, dotados con mil euros e un trofeo. Ademais, repartiranse galardóns ao mellor guión, actor, actriz, director e premio do público á mellor curta, cunha contía de 600 euros e trofeo.