Os traballos de centos de alumnos para as sete edicións do certame de recolla de patrimonio que entre 2006 e 2013 organizou a iniciativa Ponte... nas ondas! están agora dispoñibles na rede. Segundo explica o web da proposta, trátase de "milleiros de páxinas de descricións, análises, fotografías e transcricións, ademais de moitas horas de gravacións repartidas en máis de medio milleiro de arquivos de audio e vídeo" que tomaron forma en 150 traballos. Investigacións feitas en centros de ensino de Galicia e Portugal sobre ámbitos como os xogos e os oficios tradicionais, a medicina popular, o contrabando, as historias e contos de aparecidos ou a música e o baile son algúns dos temas que están presentes no material agora presentado.
Alguns dos exemplos de material presentado en Ponte... nas ondas!
