A Asociación Galega de Profesionais da Ilustracións (AGPI) convoca para o vindeiro sábado 29 de outubro a décimo terceira edición do Encontro Galego de Ilustración, que se celebrará no Centro Galego de Arte Contemporánea. O evento, que integra tamén a asemblea anual da AGPI olla este ano tanto á tradición como ás novas tendencias nesta arte. Así, unha das conferencias de sábado estará a cargo do madrileño Ignacio F. Maroto, experto en deseño de personaxes que desenvolve o seu traballo no campo da animación e dos videoxogos. Maroto falará sobre a súa experiencia profesional e fará unha demostración de traballo con ferramentas dixitais.
A outra charla da mañá estará a cargo do histórico Xosé Vizoso. Este ilustardor, cartelista e deseñador de Sargadelos conseguiu que a súa estética faga parte do imaxinario popular galego con deseños amplamente populares como o grifo de Estrella Galicia.
