A Asociación de Actores de Actrices de Galicia (AAAG) celebrou onte, 11 de setembro, unha asemblea xeral na que os membros escolleron nova directiva. Da votación saíu a elección de Ernesto Chao como novo presidente, mentres continúan nos seus postos Mabel Rivera na vicepresidencia e Iria Sobrado como secretaria. A directiva complétase con Nieves Rodríguez, Laura Míguez, Diego Freire, Santi Romay, Machi Salgado, Martín Máez, Toni Salgado, Xavier Estévez, Marta Lado e Lucía Sá como vogais. Chao, que foi un dos fundadores da AAAG, substitúe a Vicente Mohedano ao cargo da entidade e encara un mandato de dous anos, segundo establecen os estatutos.
