O historiador e etnógrafo portugués António Lourenço Fontes, máis coñecido como Padre Fontes, recollerá o vindeiro sábado 3 de setembro o Premio Celanova Casa dos Poetas. A Fundación Curros EnrÃquez acordou recoñecer na trixésimo segunda edición do galardón este investigador, "pola súa contribución á divulgación e ó coñecemento da cultura trasmontana, tan identificativa dos pobos das Terras do Barroso e de todo o norte de Portugal, coma destoutros espazos que se enmarcan no triángulo ferriniano que debuxan os vertixes de Montalegre, Celanova e Arcos de Valdevez". O premio inclúe unha medalla de prata deseñada por Acisclo Manzano e mais un diploma realizado por Baldo Ramos.
