Localizan un sistema de canalizacións na muralla de Lugo

O arqueólogo Celso Rodríguez Cao presentou onte no transcurso dun foro organizado por El Progreso e a Consellería de Cultura o achado dun sistema de canalización no paseo de ronda da muralla de Lugo. Son seis canles de 20x20 conectados a un central e revestidos con argamasa. Ademáis, no medio da argamasa apareceu unha moeda, un antoniniano de bronce do 270 d.C., que permite datar a construción da muralla. Os expertos tamén aludiron na xornada a un túnel de posible datación medieval aparecido á altura do cubo VI.