En febreiro de 2002 comeza a distribución do segundo número desta innovadora publicación, fortemente relacionada coas novas tecnoloxías e a música electrónica.
La Sintoteca é unha iniciativa dirixida por Jano Viñuela que toma como punto de partida o programa radiofónico homónimo de CUAC FM (a emisora universitaria brigantina) que conducen Anxo Cuba, Coco e Mglon.
O segundo número da Sintoteca contén traballos de Jano, Diego Blanco, Bernal, Alberto Vázquez e Kike Benlloch (todos eles membros da Polaqia), xunto con obras de outros creadores da Facultade de Belas Artes de Pontevedra como Brais, Nieves, Miguel Porto, ou Roke.
O formato físico de La Sintoteca nº2 é de 56 páxinas en tamaño A5, encadernación grampada, e leva unha sobrecuberta transparente de acetato. Conta cunha coidada maquetación de Jano e Anxo Cuba que se aproveita da característica textura que resulta da reproducción por fotocopia. A publicación componse de banda deseñada (de Jano, Coco, Diego, Bernal, Alberto...), textos (de Mglon, Alfonso, Kike, Iván, Roke...), e ilustración (de Porto, Nieves, Anxo, Kike...).
O que fai destacar este fanzine entre os seus conxéneres é que no prezo de portada (2 euros) se inclúe un CD de música electrónica -encadrable no xénero "dark ambient"- que reproduce 12 pistas de son, recompilando traballos de Mglon, Autoy, 1=0 e Trajedesaliva. O CD vai nunha caixa contida nas páxinas centrais do fanzine ilustradas por fotografías de Javier Varela.
A eclosión de fanzines promovidos desde A Coruña durante a década dos 90 asociouse ó movemento underground e a unha extensa serie de autores destacados. Varios deles como Bernal, Anxo Cuba e Jano contribúen agora a este fanzine.
La Sintoteca é unha publicación ligada a Sin Fé, un colectivo de creación dixital da Coruña coordenado por Iván López Gimeno e Anxo Cuba.
O segundo número da Sintoteca contén traballos de Jano, Diego Blanco, Bernal, Alberto Vázquez e Kike Benlloch (todos eles membros da Polaqia), xunto con obras de outros creadores da Facultade de Belas Artes de Pontevedra como Brais, Nieves, Miguel Porto, ou Roke.
O formato físico de La Sintoteca nº2 é de 56 páxinas en tamaño A5, encadernación grampada, e leva unha sobrecuberta transparente de acetato. Conta cunha coidada maquetación de Jano e Anxo Cuba que se aproveita da característica textura que resulta da reproducción por fotocopia. A publicación componse de banda deseñada (de Jano, Coco, Diego, Bernal, Alberto...), textos (de Mglon, Alfonso, Kike, Iván, Roke...), e ilustración (de Porto, Nieves, Anxo, Kike...).
O que fai destacar este fanzine entre os seus conxéneres é que no prezo de portada (2 euros) se inclúe un CD de música electrónica -encadrable no xénero "dark ambient"- que reproduce 12 pistas de son, recompilando traballos de Mglon, Autoy, 1=0 e Trajedesaliva. O CD vai nunha caixa contida nas páxinas centrais do fanzine ilustradas por fotografías de Javier Varela.
A eclosión de fanzines promovidos desde A Coruña durante a década dos 90 asociouse ó movemento underground e a unha extensa serie de autores destacados. Varios deles como Bernal, Anxo Cuba e Jano contribúen agora a este fanzine.
La Sintoteca é unha publicación ligada a Sin Fé, un colectivo de creación dixital da Coruña coordenado por Iván López Gimeno e Anxo Cuba.
