Quiosco: E_scena 44

As estreas de Super8, da compañía Voadora (9-11 de abril) e Por que se coce o meniño nas fabas? (12-13 de xuño) protagonizan a portada do último número de E_scena, o boletín de distribución sobre as artes escénicas que mantén a Agadic. Os dous espectáculos fan parte do plan de coproducións da unidade teatral da Agadic, o Centro Dramático Galego, e que se estrearán no seu espazo en Santiago, o Salón Teatro. As convocatorias de axudas e premios, a mensaxe do día internacional da danza (que se celebra o 29 de abril) así como o rexistro de datos da rede galega de teatros e auditorios completan a información desta publicación electrónica.