Quiosco: e-scena

Acaba de saír o último número do e_scena, o boletín de distribución electrónica da Axencia Galega das Industrias Culturais. Unha publicación que se centra na presenza da música galega nas feiras de musica Womex (Copenhague, do 28 de outubro ao 1 de novembro) e a Bafim (Bos Aires, do 19 ao 22 de novembro). Canda esta novidade destaca que o novo director da Agadic, Juan Carlos Fernández Fasero, ten previsto acelerar a aprobación dos estatutos de funcionamento da Agadic, así como os espectáculos seleccionados para a Feira Galega das Artes Escénicas. As alertas de convocatorias e o rexistro dos últimos datos de espectáculos completan o boletín número 37 do e_scena.