Un acto poético e musical conmemora o centenario das Irmandades da Fala

O Teatro Rosalía de Castro da Coruña acolle ás oito e media desta tarde o recital musical e poético co que se conmemora o centenario das Irmandades da Fala. A Real Academia Galega e o Concello da Coruña organizan este encontro no que actuarán os coros históricos Cantigas e Agarimos, Cántigas da Terra, Coral de Ruada e o Real Coro Toxos e Froles, herdeiros da tradición que comezarons as irmandades para a recuperación do noso folclore. Canda a eles, Fina Casalderrey, Pedro Fernández, Carmen García-Rodeja, Cristina Lombao, Manuel Lugrís, Orleni Mateo, Isabel Risco e Manuel Rivas correrán coa parte literaria do acto.

A conmemorar esta celebración, o venres día 20 a Fundación Barrié inaugura Saúde e terra irmá(ns)! unha mostra que amosa a xénese e a evolución do movemento das Irmandades a contar con obxectos orixinais e un importante soporte gráfico. A mostra percorrerá posteriormente as sete cidades galegas e continuará por diferentes concellos da provincia da Coruña nun percurso que se alongará ata maio de 2017.