Xosé Luís Axeitos incorporarase á Fundación Curros

Por vez primeira o plenario da Fundación Curros Enríquez, que se reuniu esta fin de semana en Celanova, aprazou o fallo do premio Celanova, Casa dos Poetas. A falta de consenso fixo que o órgano acordase adiar a súa decisión sobre este recoñecemento ata o vindeiro mes de xuño. No entanto, o padroado fechou outros acordos, como a incorporación ao mesmo de Xosé Luís Axeitos, antigo arquiveiro e secretario da Real Academia Galega. Ademais, e mercé a doazón dun particular, a Fundación contratará unha brigada de catro persoas que desenvolverá traballos de limpeza, mantemento e restauración do patrimonio de Celanova entre abril e setembro deste ano e actualizará a ruta currosiana na vila. A Fundación ademais cubrirá o persoal para atender a torre de Vilanova dos Infantes, e incrementará o seu traballo na promoción turística e comercial de Celanova.