Cunha pausa logo da xornada inaugural do pasado día tres, mañá, oito de marzo retoma as súas actividades o O III Congreso Xénero, Museos, Arte e Educación. A Rede Museística da Deputación de Lugo celebra este encontro no que corenta e oito profesionais de diferentes ámbitos abordarán a problemática nestas cuestións. A iniciativa artéllase en cinco bloques temáticos, e se o do pasado día tres abordouse a temática de Muller, Arte e Capacidades, o vindeiro 8 será a quenda do Xénero e activismo, coa presenza da Asociación Enriqueta Otero, Micaela Fernández Darriba, Marta Rodríguez Engroba, Cristina Palacios Castro, María Sánchez e Daboapipa.
Xénero, Comunicación e Linguaxe será o eixe da terceira xeira, o día 9, coa presenza de Goretti Sanmartín, Mercedes Queixas, Kathleen March, Luz Darriba e Carme Vidal. Para o día 11 de marzo será a quenda de falar sobre Xénero e Museos con Ana Moreno, Sara Pérez, Teresa Alario, Patricia Torres, Estela González, Montse Boher, Silvia Blanco, Araceli Corbo, Nuria Rivero e Encarna Lago. A xornada de feche, o día 12 centrarase en Xénero e Arte, con intervencións de Anxela Caramés, Marta Álvarez, Bárbara G. Vilariño, Cristina Fernández, Fátima Cobo, Cristina Labandeira, Dorinda Mato, Mar Caldas, Marián López, Amelia Aguado e Victoria Falcó.
