O apoio da Xunta de Galicia á tradución de obras desde e para o galego mantense un ano máis en 200.000 euros. O Diario Oficial de Galicia publicaba o pasado venres a convocatoria destas axudas, que apoian a tradución de obras literarias desde e para a nosa a lingua. En concreto, a partida distribúese nun 60 por cento para traer ao galego traballos foráneos e o 40 por cento restante irá a levar a outros idiomas traballos publicados orixinalmente no noso. Poden presentarse a esta convocatoria ata o vindeiro 28 de marzo aquelas entidades que acrediten a súa condición de editoras, que poderán recibir ata un máximo de 6.000 euros por proxecto.
