Un total de dezaseis obras poderán verse na XIII edición de Teatrofilia. A Asociación Andaravía, organizadora da Mostra de Teatro Amador de Vedra daba a coñecer hoxe o programa do evento, no que poderán verse representacións a cargo de grupos como Disfunción Continua, Tira e afloxa, a Escola Municipal de Teatro de Muxía, Farrapo Teatro ou, con dúas obras cada unha, o Grupo de Teatro da A. C. Cotomanguelo ou Andaravía Teatro. Tamén se poderá ver no evento Memorias dun neno labrego de Cándido Pazó e celebrarase un obradoiro de monicreques. O evento desenvolverase entre o 4 e o 20 de marzo.
