María Barcala. Fotografía do web da Asociación de Actores e Actrices de Galicia
O xurado do Premio de Interpretación Maruxa Villanueva, que convoca anualmente o Concello de Padrón, outorgáballe onte a María Barcala o galardón na súa décimo quinta edición. A actriz, que leva nas táboas desde o final dos anos setenta, foi unha das fundadoras de Teatro do Atlántico, e continúa vencellada a esta compañía deste hai trinta anos. Ademais ten participado en diferentes montaxes do Centro Dramático Galego e en producións audiovisuais. Para alén de recoñecer a súa traxectoria profesional, o xurado destacou tamén a "elegancia e distinción" de Barcala sobre os escenarios. O galardón, que consta dun diploma e dunha busto de bronce da acrtiz que lle dá nome, recoñece o traballo de actores e actrices que participaron nun espectáculo teatral galego no ano en que se entrega ou unha traxectoria recoñecida o ámbito escénico.
