O autor coruñés José Gimeno publicará coa editorial asturiana Dude Comics despois de traballar en Francia, preparando proxectos de BD e publicando traballos en revistas italianas.
Profundo, portada
Xa dispomos das primeiras imaxes do álbum "Profundo", do coruñés José Gimeno que a editora asturiana Dude pretende comezar a distribuir ó longo do vindeiro mes de xuño. "Profundo" é unha historia que recupera os Mitos de Cthulhu de Lovecraft e os adapta a Galicia nunha historia de misterio e terror. O álbum editarase no formato Dude Gold, un tomo de corenta e oito páxinas en branco e negro. Gimeno está xa a rematar unha segunda parte desta serie que a editora agarda publicar este mesmo ano.
