Alberto Vázquez publicará en Francia El Evangelio de Judas

A editorial Rackham publicará en Francia El Evangelio de Judas, de Alberto Vázquez. A obra, que sairá cara o vindeiro mes de outubro, está agora mesmo en fase de rotulación, e será publicada no mesmo formato co que saíu a edición española de Astiberri. O autor infórmanos tamén que será precisamente a editora vasca a responsable de publicar, nesta mesma primavera, un volume que recompila todo o material publicado no extinto Fanzine Enfermo. Esta recoñecida publicación estivo codirixida por Vázquez e contou con abondosas colaboracións galegas. Para rematar, o autor sinala que está a traballar na versión animada do seu álbum Psiconautas.