Logo de "Alter Ego" e de "Freda", o coruñés Alberto Vázquez presenta o seu terceiro álbum. "Psiconautas" é o título da obra que publicará o vindeiro mes de marzo a editora vasca Astiberri e que narrará en case cen páxinas unha única historia longa. De calquera xeito, parte deste material xa se puido ver no segundo número do "Fanzine Enfermo", que coordina o propio Vázquez, e mais na publicación do certame "Na Vangarda" da Xunta de Galicia. Ademais de continuar co "Enfermo", que verá para primavera o seu vindeiro número, o autor aparecerá tamén no vindeiro "Nosotros Somos los Muertos". A pesar da abundancia de proxectos, Vázquez anuncia unha diminución do seu ritmo de traballo na BD para os vindeiros anos, pola xa coñecida dificultade para gañar a vida neste campo.
Máis información e unhas páxinas da obra no web de Astiberri; na ficha de Alberto Vázquez; máis sobre Freda neste web
