O Concello de Pontevedra vén de facer público o nome dos gañadores do I Certame BD Banda-Concello de Pontevedra.
O xurado, formado por Kiko da Silva, Anxo Ramiro Paz, Xermán Hermida, Francisco Manuel Paradelo, Heitor Real Arregui e Miguelanxo Carvalho, emitiu o seu fallo en Pontevedra o pasado día seis de abril do 2002 e a entrega de premios realizarase coincidindo coa presentación do terceiro número da revista "BD Banda" o día 17 de maio. Os traballos editaranse nunha separata que acompañará o número tres desta publicación.
Os gañadores
1º Premio: Dotado con 600 euros para Alberto Vázquez Rico, A Coruña (1980), pola obra "Merlín e D. Xulio"
2º Premio: Dotado con 450 euros para Diego Blanco López, Viveiro, Lugo (1981), por unha obra sen título.
3º Premio: Dotado con 300 euros para Daniel Montero Coira, Catoira, Pontevedra (1977), "Historiotropia".
Pola sua banda acadaron accésits:
- Juan Luís Pérez, Vigo, Pontevedra, pola obra "Cebo".
- Jorge Juan Costas Mira, Pontevedra, por "S.O.S".
- José Manuel Mouriño Lorenzo, O Carballiño, Ourense, pola BD "Cámara"
