Primitivo Marcos vén de rematar a cuarta entrega da serie "Aventura no Camiño de Santiago" que se publicará baixo o título de "A doncela".
O lugués Primitivo Marcos vén de rematar a cuarta entrega da serie "Aventura no Camiño de Santiago" que se publicará nuns cantos meses baixo o título de "A doncela".
A serie, editada pola deputación de lugo no formato apaisado habitual nas bandas deseñadas dos anos corenta e cincuenta narra as aventuras dunha familia que fai o camiño de Santiago durante a Idade Media. Neste cuarto episodio os dous fillos coñecen a unha rapaza que se transforma en loba no máis puro estilo das lendas do país.
Ademais deste proxecto, Primitivo continúa a publicar a serie "Xulieta" no boletín do IES Martín Sarmiento e prepara unha historia de catro páxinas ambientada nas incursións vikingas para o vindeiro número da revista "LVCVS", onde xa ten publicados outros traballos de ambiente histórico.
Por se fose pouco tamén está a preparar unha serie cómica para a nova época da revista "Golfiño", polo que vemos que traballo non lle falta.
