Aventura no Camiño de Santiago de Primitivo Marcos, o último lanzamento de El Patito Editorial, xa está para chegar á rúa. O vindeiro 21 de novembro ás 20:30 horas, a Fundación Torrente Ballester acolle a presentación deste volume, nun acto que tamén servirá para celebrar o primeiro ano desta firma. No evento están previstas intervencións do autor, do director artístico da editorial, Fausto Isorna, da concelleira Mercedes Rosón e de Francisco Singul, prologuista da obra e especialista no Camiño. Ademais, haberá unha actuación musical a cargo de Narf.
